Një sondazh i kryer nga një shitës britanik i pajisjeve shtëpiake, zbuloi se 71 për qind e popullatës nuk i pastrojnë rregullisht pajisjet e që kanë në shtëpitë e tyre. Kjo do të thotë se këto pajisje mund të bëhen terren pjellor për përhapjen e mikrobeve dhe kërpudhave që janë toksike për shëndetin dhe që mund të shkaktojnë një sërë patologjish që shkojnë nga dhimbjet e stomakut tek infeksionet e lëkurës.

FRIGORIFERI
Disa studime kanë treguar se bakteret si E.coli, salmonella dhe listeria mund të rrinë në frigorifer (sidomos në mbeturinat e ushqimit dhe në kutinë e frutave) dhe të shkaktojnë helmim potencial ushqimor, dhimbje abdominale dhe simptoma të gripit. Si ta pastroni atë: ideale do të ishte të jepni një kalim javor në rafte, ndërsa çdo tre muaj ju nevojitet një pastrim më i thellë, me detergjent të veçantë dhe ujë të nxehtë me sapun. Dhe mos harroni filtrin dhe pjesën e derës.

LAVATRIÇJA
Temperaturat e ulëta të larjes dhe detergjentet pa zbardhues lejojnë që mikrobet dhe bakteret të mbijetojnë brenda makinës larëse. Nuk është rastësi që gjurmët e E.coli dhe Staphylococcus aureus janë gjetur në 44% të tyre. Si ta pastroni atë: Çdo muaj lavatriçja duhet të dezinfektohet, por nëse ka erë të keqe, është mirë të parashikoni sanitizimin. Pasi të hiqet sirtari i detergjentit, e lajmë me ujë të nxehtë me sapun dhe më pas me një furçë dhëmbësh të vjetër që heqim mykun dhe papastërtinë, pastaj vendoseni përsëri në vend dhe krijoni një cikël bosh. Në fund të larjes, mos harroni të hapni lavatriçen dhe thani si shportën, ashtu edhe rondelën e gomës.

PJATALARËSJA
Megjithëse temperaturat e larta mund të arrihen brenda pjatalarëses, kjo nuk parandalon formimin e baktereve të tilla si pseudomonas dhe acinetobacter, të cilat mund të shkaktojnë infeksione te njerëzit me sistem imun të komprometuar. Sikur të mos mjaftonte, mbetjet e ushqimit në kullim mund të bllokojnë rrjedhën e ujit dhe kjo, e kombinuar me nxehtësinë dhe lagështinë, mund të shkaktojë formimin e mykut. Si ta pastroni atë: gjëja e parë që duhet kontrolluar është kullimi, i cili duhet të hiqet (duke ndjekur udhëzimet) dhe larë në lavaman me një furçë dhëmbësh të vjetër, pastaj deri te spërkatësit, të cilët kalohen me detergjent të lëngshëm, duke e drejtuar ujin në eliminimin e çdo depozite. Një herë në muaj bëhet një pastrim më i plotë i pajisjes, duke vendosur një filxhan uthull të bardhë në raftin e sipërm dhe duke bërë një cikël vakum në temperaturën maksimale.

FURRA
Akumulimi i yndyrave dhe papastërtia është ideale për rritjen bakteriale: jo çuditërisht, një studim ka zbuluar se ka më shumë mikrobe në dorezat e furrës sesa tek ulësja e tualetit. Si ta pastroni: Çdo javë dera e furrës duhet pastruar, ndërsa një herë në muaj është e nevojshme të kryeni një pastrim më të plotë të pajisjes, duke përdorur një detergjent specifik ose një përzierje të ujit të nxehtë dhe lëngut për larjen e enëve, pa lënë pas dore dorezën e famshme.

MIKROVALA
Mbetjet e ushqimit janë ushqimi i preferuar i baktereve, sidomos E.coli dhe salmonelës nëse tentoni të përdorni furrën me mikrovalë për të shkrirë mishin e papërpunuar. Si ta pastroni: përdorni ujë të nxehtë dhe lëngje për larjen e enëve ose të zieni një tas me ujë dhe limon ose ujë dhe uthull, atëherë le të veprojë avulli për rreth 15 minuta, pastaj përdorni një leckë (jo gërryese) në muret e brendshme dhe në derë, ndërsa për pjesën e jashtme mund të përdoret një produkt antifungal.